--Ads--
Nagpanawagan ni Senador Imee Marcos para iti dagus a panangipasa iti gakat a ti gagemna ket mabang-aran dagiti Pilipino babaen iti panangkissay ti buwis tapno saan unay a marikna ti nakaro nga epekto iti presio dagiti magatang gapu iti krisi iti langis.
Iti salinong ti Senate Bill 2005, idurduron ni Marcos ti panagpangina ti income tax exemption iti P500,000 ti tinawen a pastrek manipud iti agdama a P250,000.
Italtal-ona pay babaen iti gakat ti panagpangina ti ceiling dagiti bonus, agraman ti 13th month pay ken dadduma pay a benepisio a saan a napatawan iti buwis, iti P200,000 manipud iti agdama a P90,000.
