Imee Marcos, imbutaktakna nga adda naidiaya a ₱5-M cash kadagiti kongresista para iti impeachment ni VP Sara Duterte

Imbutaktak ni Senador Imee Marcos nga adda naidiaya nga ‘incentive package’ para kadagiti kongresista nga agbotos iti “YES”, mano aldaw sakbay ti impeachment ni Vice President Sara Duterte.

Karaman ditoy ti P5 million a cash, nayon a P3 million nga Maintenance and Other Operating Expenses kada bulan, ken P150 million a proyekto.

Dagiti met agbotos iti “NO” ket mabalin a maawanan iti badyet ken sumango iti kaso.

Kinontra met daytoy ni House Justice Committee Chairperson Gerville Luistro, ket kunana nga awan ti nangngeg wenno napadasanna a kastoy a naidiaya sipud narugian ti impeachment proceeding.