VIGAN CITY – Agtultuloy ti imbestigasyon inaig ti panagbekkel ni Herbert Rabang, agtawen ti tallo pulo ket walo, maysa a bulsek ken agnaed idiay Brgy. Ayusan Norte, Vigan City.
Sakbay iti panagpakamatay ti biktima ket saan da a nagkinnaawatan ti kabsat na a ni Marius ken idi alas dyes ti agsapa idi naminsan, kapatpatangna ti ikit ken kabsatna nga adda iti ruar ti kuartona idinto nga isuna ket adda iti uneg iti kwarto na a naka-lock sa kunana a nabannugen ken kayatnan ti matay.
Agsipud iti dayta, atapendan nga adda iti madi nga aramiden ti biktima isu a pwinersada a linukatan ti arwangan ti kuartona ket nasarakanda laengen a nakaidda iti semento ken nakaiputipot iti tali iti tengnged na ken awanen iti biyag na.
Idi kallabes ket ginandat manen ti biktima iti agpakamatay ngem nalapdan dagiti kameng ti pamilya na.
