VIGAN CITY – Awan pay laeng iti inisyal a napagpapatangan iti pamilya dagiti pimmusay a biktima iti aksidente idiay Busel-Busel, Santiago ken ti nagmaneho iti naka-aksidente kadakuada a Fuso Canter Truck idi alas kwatro baente singko iti malem idi July 2.
Segun ken ni Police Lt. Carlos Mamitag, hepe ti Santiago municipal police station, naawanan iti kontrol iti manibela ti truck ni Reynald Necor Manzano nga agtawen iti tallo pulo ket lima, naasawaan ken agnaed idiay Balingaoan, Candon City isu nga aksidente a nadungpar na iti nakaparada a tricycle a nagluganan ni June Darele Galanote nga agtawen iti uppat a pulo ket dua, naasawaan, STL agent ken agnaed idiay Barangay Busel-Busel, Santiago ken nairaman pay iti kapatpatang ni Galanote a ni Walter Abad Fontanilla nga agtawen iti uppat a pulo ket pito, STL agent ken agnaed idiay Bigbiga, Santiago.
Gapu iti pasamak, naitaray idiay Candon General Hospital da Galanote kenni Fontanilla, pakairamanan iti pahinante iti truck a ni Glenn Basis Manzano nga agtawen iti dua pulo ket pito ngem naideklerar a dead on arrival da Galanote kenni Fontanilla ta natuktukkol iti naduma-duma a paset iti bagi da.
Ti agdama, manarimaan pay laeng iti imbestigasyon dagiti otoridad nu kasanu a napukaw ni Manzano iti kontrol na iti manibela iti truck a minaneho na.
