Impatangken ni House Majority Leader Rep. Sandro Marcos a saan a rumbeng nga ituloy ti House of Representatives ti imbestigasion maipanggep ti korapsyon iti flood control projects.
Inkalintegan ni Rep. Marcos a saan a rumbeng nga imbestigaran ti Kamara ti flood control scandal ta sumagmamano kadagiti miembroda iti nairaman iti nasao nga anomalia ket amangan no saan a patient i publiko iti agbalin a resulta iti imbestigasion.
Segun ken ni Rep. Marcos, nasaysayaat no ti Ombudsman laengen ken dadduma pay a maseknan nga ahensia iti mangisayangkat iti imbestigasion.
Kinunana a no isuda iti agimbestigar iti flood control scandal ket kaslada laengen estudyante a nabaybay-an nga ag-check ken ikkan grado iti bukodda nga examination papers.
Maipalagip nga insardeng idi ti House Infrastructure Committee ti imbestigasion iti maanomalia a flood control projects tapno ikkan dalan ti imbestigasion iti Independent Commission for Infrastructure (ICI).
