--Ads--
Ipaiman ti Malakanyang iti Ombudsman no matignayan ti kiddaw ti Tindig Pilipinas a maimbestigaran no kasano a naaramat ti confidential funds ni Vice President Sara Duterte.
Segun ken ni Palace Press Officer Atty. Claire Castro, adda ken ni Ombudsman Remulla no sungbatanna ti panawagan ti nadakamat a grupo.
Maipalagip a ti isyu ti saan a mailawlawag a pannakaaramat ti confidential funds ti maysa kadagiti rason isu a napilaan ti bise presidente ti impeachment complaint a naitantan iti Senado.
Iti baet dagiti maar-aramid nga imbestigasion iti kamara ket saan a nailawlawag ni VP Sara no kasano a nagastos ti P125 million a confidential funds iti uneg ti sangapulo ket maysa nga aldaw.
-- ADVERTISEMENT --
