Imbentaryo ti bagas, ngimmato idi Agosto

Ngimmato ti imbentaryo ti bagas agingga idi Agosto 1.

Maibasar iti Philippine Statistics Authority, nairekord ti 2.32 million metric tons a rice stock inventory iti umuna nga aldaw ti Agosto.

Nangatngato daytoy iti 24.5 percent manipud iti 1.86 million metric tons iti isu met laeng a panawen idi 2024.

Ti National Food Authority ti adda kangatoan nga imbentaryona nga adda 207.6 percent annual increase ken adda urnongda a 452,000 metric tons.

Bimmaba met ti imbentaryo kadagiti komersial a bagas wenno dagiti bagas manipud kadagiti negosyante nga umabot iti 11.5 percent wenno 1.039 million metric tons.