VIGAN CITY- Pinaneknekan ti maysa nga Ilokano idiay London a saan a paatiw dagiti Pilipino no talento iti pagsasaritaan , ditoy pagilian man wenno ballasiw taaw.
Dua a silver ken maysa a bronze medal iti naala ni Joel Sipin Miranda , nurse idiay London iti pannakisalip na iti World Championship of Performing Arts 2017 a naisayangkat idiay Long Beach, California.
Ni Joel iti kaunaan nga Ilokano ken Pilipino a nangibagi ti Great Britain ken Europe iti nasao a pasalip a nakabigbigan na kas Multi-Medalist ken Senior Vocalist.
Nagturpos isuna iti sekondarya idiay Santiago Institute kas valedictorian ken residente ti Poblacion Norte, Santiago.
Putot ni dati a Santiago Mayor Joselito Miranda Jr. ken dati a Sangguniang Bayan member Louella Miranda.
