VIGAN CITY- Nakoronaan ni Kamille Alyssa Pilarca Quinola, tubo ti Caoayan ,Ilocos sur a Miss Tourism Philippines Queen Worldwide 2018 ket inabak na dagiti nasurok 20 a kandidata manipud iti nadumaduma a lugar iti pagilian , iti grand coronation night a naisayangkat idiay Nasugbu, Batangas .
Iti question and answer portion ket naisaludsod kenni Quinola no anya ti kapanonotan na inaig iti “mental health awareness situation ditoy Pilipinas” ket iti sungbat na, naulimek idi ti mental health issue ngem iti agdama ket makapaalarma ta umad-adon ti kaso ti depresyon ken panagpakamatay ditoy Pilipinas.
Segun kenkuana, kas maysa a nurse ket narigat da nga trataren ti mental health issue ngem inpaganetget na a a dakkel ti maitulong ti suporta ti pamilya tapno malasatan iti anya man a karit iti biag.
Karaman pay kadagiti nakaronaan ti major titles ket ti representative Balete, Batangas a Miss Tourism Philippines World , Miss Bacnotan , La Union kas Miss Tourism Philippines World Ambassador, Miss General Trias, Cavite a Miss Tourism ambassador.
1st Runner-Up met ti representative ti Rosario Batangas , 2nd Runner-Up – ni miss Isabela, 3rd Runner-Up ni Caloocan City ken 4th Runner-Up ni miss Zambales
