--Ads--
‘Dream come true’ para iti maysa graduate iti St. Paul College of Ilocos Sur a top 10 iti 2025 Nursing Licensure Examination a makapasa ken agbalin a topnotcher babaen iti 92 percent rating, banag a dakkel a pagyamananna.
Iti pannaki-uman ti Bombo Radyo Vigan ken ni Raven Nicole Paet manipud iti Bantay, Ilocos Sur, proud isuna a mainspirarna iti sabali a tao ken maparagsakna dagiti nagannakna iti panagbalinna a topnotcher.
Kunana nga inaramidna amin a kabaelanna tapno magun-odna dayta nga arapaap numan pay adu dagiti pagduduaanna idi damo.
Adda met dagiti sinursurotna a pammati no agexam ngem ad-adda ti kararag ken panagtalekna iti bagi.
-- ADVERTISEMENT --
Yamanenna met ti suporta dagiti nagannak ken dagiti nagbalin a paset iti daytoy a balligina.
