VIGAN CITY – Pormalen a linukatan da Governor Jerry Singson ken dagiti dadduma a provincial officials iti Tawid ken Kultura, Ilocos Sur Trade and Food Expo kas paset ti selebrasyon iti Ilocos Sur Kannawidan Festival 2023.
Ti nasao a trade fair ket kas panangital-o dagiti lokal a produkto ngem high quality products ti Micro, Small ken Medium Enterprises.
Napnuan pay kadagiti furniture, handicrafts, flouriculture, nurseries, research-based products ken innovations, merienda, dry goods ken RTWs.
Na-highlight ti pannakalukatna babaen ti ribbon cutting iti Trade Fair a mangipakpakita iti One Town One Product ti kada siudad ken ili iti probinsia.
Ti okasyon ket inatendaran pay da DTI Regional Director Grace Falgui-Baluyan, DTI Ilocos Sur Provincial Director Rosario Quodala ken OIC DTI Ilocos Norte, Amelia Galvez.
