VIGAN CITY – Kimmapsot ni Bagyo Tisoy idi naglandfall idiay Sorsogon ket tatta, addan idiay Burias Island.
Maibasar iti kaudian a weather bulletin ti PAGASA, naudi a nasaripatpatan ti bagyo idiay San Pascual, Masbate wennu Burias Island a ti kapigsa iti angin na ket sangagasut lima pulo ket lima a kilometro agingga dua gasut tallo pulo ket lima a kilometro tunggal oras.
Agpapalaud a direksyon ti bagyo iti kabuntog a dua pulo a kilometro tunggal oras.
Ti mata ti bagyo iti mangitunda iti napigsa nga angin ken todo idiay Camarines Norte, Camarines Sur, Albay ken Masbate, pakairamanan idiay Southern Quezon, Romblon ken Marinduque kadagiti sumar-saruno nga oras.
Nakaibayog ti Tropical Cyclone Wind Signal number 3 idiay Catanduanes, Camarines Sur, Albay, Sorsogon, Camarines Norte, Masbate, pakairamanan ti Ticao ken Burias Islands, Romblon, southern portion ti Quezon, Marinduque, Oriental Mindoro, Occidental Mindoro pakairamanan ti Lubang Island, Batangas, Cavite, ken Laguna.
Signal number 2 idiay Metro Manila, Bulacan, Bataan, Tarlac, Pampanga, Nueva Ecija, southern Aurora, Rizal, nabatbati a paset ti Quezon pakairamanan ti Polillo Islands, Calamian Islands, Zambales, ken Pangasinan, Northern Samar, Eastern Samar, Samar, Biliran, Aklan, Capiz, Antique, Iloilo, Guimaras, northern portion ti Negros Occidental, Northern Cebu, ken Leyte.
Signal Number 1 ditoy probinsiya ti Ilocos Sur, pakairamanan ti
Southern Isabela, Mountain Province, Ifugao, Benguet, Nueva Vizcaya, Ilocos Sur, La Union, Quirino, nabatbati a paset ti Aurora, northern portion ti Palawan nabatbati a paset ti Negros Occidental, Negros Oriental, Bohol, Siquijor, nabatbati a paset ti Cebu, ken Southern Leyte.
