Naka-red alert status ti Ilocos Sur Provincial ken Municipal Disaster Risk Reduction and Management Office kagiddan ti mapaspasaran nga epekto ti bagyo Carina ken habagat.
Iti pannaki-uman ti Bombo Radyo Vigan ken ni PDRRMO head Rhon Arquelada, nangiyulog ti Ilocos Sur Provincial Government iti memorandum kadagiti ili ken siudad iti probinsia a mangibilbilin iti panagsagana ken panangmonitor iti bagyo kadagiti masakupanda.
Malaksid dayta, naka-activate dagiti dagiti emergency operations center ken ti search and rescue team tapno mamonitorda no adda dagiti agkasapulan iti tulong.
Nagballaag pay met ti PDRRMO a gapu iti agtultuloy a panagtudona ket posible ti peggad nga itundana kas iti layus ken panagreggaay ti daga nangruna kadagiti low-lying areas.
