VIGAN CITY – Idi pay laeng Enero ket nakasaganan ti Ilocos Sur Provincial Hospital- Gabriela Silang para iti isolation dagiti person nu bilang adda dagiti pasyente a makitaan ti sintomas ti coronavirus disease 2019 kas pinasingkedan ni Chief of Hospital, Dr. Trina Tabboga- Talaga.
Adda dagiti infectious disease specialist a mangmonitor kadagiti PUI a mai-confine iti nasao nga ospital ken adda latta ti nakasagana nga alcohol para kadagiti mapan bumisita kadagiti pasyente.
Malaksid iti dayta ket maipagel a sumrek iti isolation area dagiti adda iti sakit na tapno saanen a mai-expose pay kadakuada dagiti PUI ken maliklikan ti pannaka-akarda.
Kidkiddawen na iti pannakitinnulong ti tunggal maysa ken ingunam-gunam na a masapul a sumurot iti publiko kadagiti pagannurotan nga ipatpatungpalda para iti pagsayaatan ken kinatalged dagiti agindeg iti intero a probinsia.
