--Ads--
VIGAN CITY – Agkasapulan ti Ilocos Sur Provincial Government iti medtech ken nurse tapno matulongan dagiti frontliner a makatawenen a lumablaban iti mapaspasaran a Covid19 pandemic ditoy probinsia.
Iti pannaki-uman ti Bombo Radyo Vigan ken ni Gov. Ryan Singson, masapul met a makainana dagiti frontliner iti probinsia ta narigrigat manen ti sitwasyon no isuda ti makaptan iti sakit nangruna ita a mapaspasaran ti second wave ti Covid19 gapu ti immadu a kaso.
Nupay kasta, silulukat ti kapitolyo a mangiproseso iti aplikasyon dagiti interesado a nurse ken medtech.
Kiniddaw ti gobernador ti pannakikaysa dagiti umili a mangsurot kadagiti pagannurotan tapno malapdan ti panagwaras ti Covid19 ditoy probinsia.
-- ADVERTISEMENT --
