VIGAN CITY – Nangiparuar ni Governor Ryan Singson iti updated travel requirements agingga inton katapusan bayat ti pannakaisakup ti probinsia iti General Community Quarantine with Heightened Restrictions.
Kadagiti Authorized Persons Outside Residence, dagiti requirement no mapan agtrabaho ket ti Official Travel Authority/Order; medical appointment kadagiti mapan agpacheck up ken death certificate ti natay no agibiahe kadagiti bangkay.
Company ID para kadagiti Health and Emergency Service; negative RT-PCR test result a naited iti las-ud ti pitopulo ket dua nga oras sakbay ti panagserrek iti probinsia kadagiti Duly Authorized Humanitarian Order ket no met lumasat laeng iti border iti maminsan iti makalawas, masapul a valid ti test iti sangapulo ket uppat nga aldaw ken masapul ti S-Pass.
Kadagiti returning resident, masapul ti ID, S-Pass, negative RT-PCR a nairuar iti uneg ti pitopulo ket dua nga oras sakbay ti panagserrek.
Kadagiti Returning Overseas Filipinos ket masapul iti ID, Certificate manipud iti Bureau of Quarantine, negative RT-PCR test result ken S-Pass idinto a para kadagiti passerby ket masapul met laeng ti ID, proof of destination ken delivery receipt kadagiti kargada.
Malaksid ti dayta, para kadagiti Cargo wenno Delivery Trucks ket masapul ti Company ID, delivery receipt, S-Pass, negative RT-PCR test wenno antigen test a naisayangkat iti uneg ti duapulo ket uppat nga oras sakbay ti panagserrek.
No lumasat iti boder iti maminsan iti makalawas ket masapul a valid iti pito nga aldaw ti Antigen test result idinto a ti RT-PCR test ket valid iti sangapulo ket uppat nga aldaw.
