Ilocos Sur Provincial Government, ipayaanna iti bangka dagiti mangngalap iti probinsia

VIGAN CITY – Ipaayan ti Ilocos Sur Provincial Government iti bangka dagiti mangngalap iti probinsia.

Iti pannaki-uman ti Bombo Radyo Vigan ken ni Governor Jerry Singson, ti mapatt-patta a duapulo agingga tallopulo a fiberglass a bangka ket maited a kas sukat ti nayan-anud a bangka dagiti mangngalap iti ili ti Caoayan idi tiempo ti bagyo Egay.

Ti sumarsaruno a walopulo a bangka a naaramid iti kayo ket maipaayto met kadagiti dadduma nga ili ken siudad iti probinsia.

Saan laeng a bangka a maipaay kadagiti mangngalap ta addanto pay nayunnan a motor ken vest.

Dagiti local government units ti mabilin a mangkita iti listaan no siasino dagiti rehistrado a mangngalap a rebbengna a makaawat iti bangka.