Awan pay laeng ti makitkita ti Ilocos Sur Police Provincial Office nga immediate concern kagiddan ti pannakairugi ti panagipilaan iti Certificate of Candidacy ita nga aldaw ken agpatingga inton October 8, 2024.
Iti pannaki-uman ti Bombo Radyo Vigan ken ni Provincial Director Police Colonel Darnell Dulnuan, naideployen dagiti personnel-da kadagiti nadumaduma nga ili ken siudad iti probinsia nga agbantay tapno masigurado ti kinatalged dagiti mapan agpaidasig.
Maar-aramat pay met ti police community relations tapno maliklikan ti kinaranggas ta namnamaenda nga ita a panawen ket agbalin a natalna.
Innayon pay ti opisial a laban laeng koma ti pulitika ti agpannuray ket saan a ti kinaranggas.
Balakadna kadagiti agbotos a kitaen ken panunotenda a naimbag dagiti kandidato a botosanda tapno iti kamaudianan ket isuda met laeng ti agnaar.
