Nagplagip ti Ilocos Sur PNP Maritime kadagiti mangngalap a saanda pay laeng nga agturong iti taaw ita a nadawel ti kabaybayan.
Iti pannaki-uman ti Bombo Radyo Vigan ken ni Police Senior Master Sergeant Cornelio Ayup, Senior Officer ti Ilocos Sur PNP Maritime, nasaysayaat no agtalinaed pay laeng dgaiti mangngalap iti uneg ti pagtaenganda ta delikado pay laeng ti sitwasyon iti kabaybayan ita nga agtultuloy ti panagtudo.
Kabayatanna, agtultuloy ti 24/7 a panangmonitorda iti lebel ti danum iti kabaybayan nangruna idiay Mindoro, Vigan City ken dagiti dadduma pay a coastal areas.
Nakikammayetda metten kadagiti maseknan iti coastal barangay tapno mapalagipan dagiti mangngalap ken agindeg a saanda nga agturong iti kabaybayan.
Impasigurado ni Ayup a nakasagana ti grupoda ken katinnulongda ti Ilocos Sur Provincial Disaster Risk Refuction and Management Council ken ti Philippine Coast Guard.
