VIGAN CITY – Impasigurado ti Ilocos Sur Provincial Disaster Risk Reduction and Management Office a nga ipangrunada ti kinatalged ken seguridad dagiti amin a bumisita ken biahero ditoy probinsia ita a dumteng ti tiempo ti Semana Santa.
Iti pannaki-uman ti Bombo Radyo Vigan ken ni Ron Arquelada, mangiruardanto iti pammilin a mangalerto kadagiti ili ken siudad iti probinsia nga agbantay ken mangipasigurado iti kinatalged dagiti lugarda.
Kagiddanto met ti pannakaisayangkat dagiti religious activities, addanto dagiti kameng ti PDRRMO ken dagiti MDRRMO a maideploy nga agbantay kadagiti simbaan a papanan dagiti tattao.
Malaksid dayta ket karaman pay dagiti kabaybayan, falls ken karayan a pagbantayanda iti tiempo ti Sabado Gloria ken Dominggo Sabet ta ikonkonsiderarda dagiti posible a pasamak iti pannakalmes a kasapulan iti insigida a panagresponde.
