Pinalagipan ni Rhon Arquelada iti Ilocos Sur Provincial Disaster Risk Reduction and Management Office dagiti agindeg a saganaan ti posible nga iduduprak ti bagyo Marce iti probinsia.
Iti pannaki-uman ti Bombo Radyo Vigan ken ni Arquelada, nasken nga imonitor ti kasasaad ti panawen ken sumurot kadagiti pammilin dagiti maseknan kas koma no kasapulanen ti agbakwit.
Impasigurado ni Arquelada a nakasagana dagiti personnel ken equipment ti PDRRMO a maideploy kadagiti lugar nga agkasapulan iti responde numan bilang.
Nakamonitorda met kadagiti lugar a nalaka a malaylayus ken dagiti landslide-prone tapno makitada a nasapsapa no kasapulanen nga isayangkatda ti pre-emptive evacuation.
Saanda nga ik-ikkaten iti posibilidad a lumasat ditoy probinsia ti bagyo ken dagiti dakes nga epekto a mabalinna nga ipaay isu a balakadna iti amin nga agridam.
