Napadayawan ti Provincial Government of Ilocos Sur kas 1st Runner Up Best International Event Hosting iti Province Level iti Pearl Awards 2024 kabayatan ti 25th National Convention of the Association of Tourism Officers of the Philippines a naangay idiay Koronadal City, South Cotabato.
Iti pannaki-uman ti Bombo Radyo Vigan ken ni Provincial Tourism Officer John Noel Andaya, isuda ti umuna kadagiti nasurok tallopulo a probinsia a nagipasa iti entry da para iti ATOP-DOT.
Innayonna a ti pannakapadayawda ket gapu iti panaghostda iti Bonsai Club Intl ta adda dagiti bonsai enthusiast manipud iti nadumaduma a paset ti lubong.
Ti pammadayaw ket inawan ni Andaya ken dagiti empleado ti Provincial Tourism Development and Promotions Office a nangawat iti award.
