VIGAN CITY – Nakastrek ti probinsia nga Ilocos Sur iti 2021 top 10 list ti kababknangan a probinsia iti pagilian a Pilipinas nga addaan iti total asset a 17.39 billion pesos.
Iti inruar ti Commission on Audit idi October 10 a 2021 Financial Report, maikapito ti ranggo ti probinsia.
Umuna iti listaan ti Cebu; maikadua ti Rizal; maikatlo ti Batangas; maikapat ti Davao de Oro; maikalima ti Bukidnon; ken maikanem ti Negros Occidental.
Maikawalo met ti Iloilo; maikasiam ti Isabela; ken maiksangapulo ti Palawan.
Malaksid dayta, ti Local Government Unit ti Santa Maria ken Cabugao iti probinsia ket nakastrek met iti listaan dagiti sangapulo a kababaknangan nga ili.
Ti Sta. Maria ket addaan iti total asset a 3.044 billion pesos idinto a ti Cabugao ket addaan iti 2.96 billion pesos.
Ti probinsia ken dagiti duan ga ilina ket nakilaban kontra kadagiti walopulo a sabali pay a probinsia ken 1486 nga ili.
