Nakasaganan ti Ilocos Sur para iti umadani a 2025 National and Local Elections inton Mayo 12, 2025.
Iti pannaki-uman ti Bombo Radyo Vigan ken ni Police Provincial Director PCOL. Darnell Dulnuan, kadua ti Ilocos Sur Police Provincial Office dagiti kasuldadoan, coast guard ken dagiti kameng ti Provincial Disaster Risk Reuction and Management Office nga agsagsagana para iti umay a panagpipili.
Agtultuloy ti panangkitada kadagiti priority areas kas kadagiti kabambantayan, kabaybayan ken kadagiti adda iti highway tapnon numan bilang adda parikut iti panangipatulodan dagiti election paraphernalia ket matignayan nga insigida.
Nangidatagda kadagiti plano tapnon maksayan ti tensyon kabayatan ti panagpipili kas ti pannakipatangda kadagiti agpaidasig.
Binalakadanda pay met dagiti supporter a saanda nga agirugi ti ania man a riribuk.
Nupay kasta, panawagan ti opisial iti publiko a pagbalinen a nakappia ken naurnos ti eleksyon ken liklikan ti panagiwaras iti peke a damag ta kunana a daytoy nga aldaw ket dakkel tulongna iti masangwanan ti tunggal umili.
