--Ads--
Nakasagana ti Provincial Government of Ilocos Sur kadagiti ania man a posible a mapasamak iduduprak ti bagyo Uwan.
Iti pannaki-uman ti Bombo Radyo Vigan ken ni Governor Jerry Singson, naisayangkat ti taripnong idi kalman kadagiti kameng ti Provincial ken Municipal Disaster Risk Reduction and Management Council mainaig kadagiti addang nga aramidenda iti iduduprak ti bagyo.
Innayonna a ti PDRRMO ket nakasagana ken kompletodan kadagiti equipment a maaramat kadagiti posible nga isayangkatda a rescue operation.
Kiddaw ni Singson kadagiti agindeg a makikaysa ken sumurot kadagiti mayetnag a pammilin tapno maliklikan ti ania man a pagpeggadan ta kunana nga awan ti mapukaw no sumurot iti pre-emptive evacuation.
-- ADVERTISEMENT --
