VIGAN CITY – Manipud November 1 agingga inton November 30 ket maidalan ti probinsia iti General Community Quarantine.
Gapu ti dayta, masurot ti nainget a home quarantine, dagiti laeng adda napateg a gagarana ti makaruar ken dagiti APOR idinto a dagiti menor de edad ket saan a makaruar pakairamanan dagiti agtawen iti innem a pulo ket innem agpangato, dagiti masikug ken dagiti adda comorbidities-na.
Full capacity ti trabaho iti gobierno ken dagiti national agency idinto nga skeletal dagiti pampubliko ken pribado nga establisimiento.
Maiparit ti mass gathering outside residence ngem maipalubos ti health services, government services, humanitarian activities ken 30 percent capacity laeng para ti religious gathering pakairamanan ti dine in service kadagiti restaurant.
50 percent capacity iti PUV ken masurot ti panagfacemask ken faceshield idinto a maysa a pasahero laeng ti mabalin nga ilugan dagiti traysikel
Dagiti Local Government Unit ket mabalinda ti agiwaras iti quarantine pass slip tapno makontrolda ti tignay dagiti residente iti lugarda.
Malaksid ti dayta, dagiti turista ket mabalinen a sumrek kadagiti tourist destination iti probinsia ngem kasapulan ti panangsurotda kadagiti travel protocol.
Alas dyes iti rabii agingga alas singko iti agsapa met ti curfew.
