VIGAN CITY – Pinasingkedan ni Provincial Election Supervisor Atty. Ericson Oganiza a nakapia ti nagbalin a panagipilaan iti certificate of candidacy para kadagiti kumandidato iti Barangay ken Sangguniang Kabataan Elections ditoy probinsia.
Iti pannaki-uman ti Bombo Radyo Vigan ken ni Atty. Oganiza, ita nga aldaw ti maudin a gundaway para kadagiti agipila iti COC.
Inlawlawagna a saan a mayatiddug ti pawayway a kas idiay Ilocos Norte, Abra, ken National Capital Region agsipud ta dagitoy a lugar ket nasuspenso idi ti trabahoda iti maysa nga aldaw.
Nupay kasta, kinunana a no dumteng ti oras ti alas singko ta makitada pay laeng nga adu dagiti agipila iti COC na iti field office ket maawatda latta no la ket addadanto pay laeng no mayawag ti naganda.
