VIGAN CITY – Nagsublin idi rabii iti operasyon ken panagpabuya ti Ilocos Sur Musical Dancing Fountain kalpasan iti makabulan nga agtinawen a rehabilitation ken maintenance na.
Segun kenni Dante Tacata, mangidaulo iti Ilocos Sur Musical Dancing Fountain Management, inkamakamda nga inleppas ti panangdalusda iti nasao a fountain agsipud ta namnamaen da nga ad-adu pay a tattao iti mapan agbuya ta umadanin iti bulan ti Disiyembre ket adu dagiti turista nga umay agpasiar ditoy probinsiya ken syudad ti Vigan.
Ti Ilocos Sur musical dancing fountain ngamin ti maysa kadagiti kangrunaan a ranrantaen dagiti um-umay agbakbakasyon wennu agpaspasyar ditoy probinsiya malaksid kadagiti sabali pay a tourist destination.
No pay kasta, agtalinaed iti dati met laeng nga iskedyul ti panagpabuya ti dancing fountain tapno saan a maallilaw dagiti tao a kayatna a maimatangan ti pannakaipabuyana.
