--Ads--
VIGAN CITY – Manarimaan ti pannakadalus ti Ilocos Sur Musical Dancing Fountain kalpasan iti dua a tawen a saan a nadalusan kas pinasingkedan ti mangidaulo a ni Dante Tacata.
Ikarigatanda a dalusan ita a gundaway nga awan pay la unay dagiti turista nga umay agpasiar ditoy siudad ta napalubosanda met ken ni Governor Ryan Singson.
Gagem ni Tacata a madalusan a nasyaat ita ti dancing fountain ta adu dagiti naik-ikkaten a lumot isu a saanda a dardarsen ta kayatda a no marugianto ti operasyonna ket nakasagananton para kadagiti agbuya.
Inlawlawag ti opisial nga uray idi kairut ti Covid19 pandemic ket binulan latta a ma-check dagiti pumps ken iti agdama, mayur-uray no kaano ti skedyul ti panagsubli ti operasyonna.
-- ADVERTISEMENT --