VIGAN CITY – Inbilin ni Governor Ryan Singson ken ni Ilocos Sur musical dancing fountain in-charge Dante Tacata a mapagandar uray nu tallo agingga lima a minutos laeng ti Ilocos Sur musical dancing fountain tapnu saan nga aglati dagiti pump na ket saan a madadael tapnu saan a dakdakkel a gastos iti provincial government.
Inlawlawag ni Tacata a dagiti materyales iti dancing fountain ket naggapu da pay idiay ballasiw taaw isu a nu madadael ket kapilitan a masukatan ken magatang idiay ballasiw taaw ti sukat na.
Maysa ti dancing fountain kadagiti pangawis ti provincial government kadagiti turista nga umay ditoy probinsiya.
Innayon ni Tacata a nu la ketdi awan iti dakkel a parikot iti panagandar iti dancing fountain, mabalin nga agpabuya danto insigida nu malpas ti enhanced community quarantine.
