VIGAN CITY – Mangiyuswat ti Ilocos Sur Provincial Government iti Mega Job Fair inton June 1 idiay Provincial Farmers Livelihood Development Center a mangrugi iti alas otso iti bigat.
Iti Ryanniag Program ket pinasingkedan ni Governor Ryan Singson nga adda ti manamnama a limapulo a kompania, ahensia ken employers ti mangidiaya iti pagsapulan.
Agbalin daytoy a One Stop Shop ta adda ti Overseas Workers Welfare Administration, Technical Education and Skills Development Authority, PAG-IBIG, Philippine Overseas Employment Administration, PhilHealth, Social Security System ken dadduma pay a mangasistar kadagiti aplikante.
November 29, 2019 idi ti naudin a pannakayuswat ti mega job fair iti probinsia ket patien ti gobernador a daytoy ket dakkel a banag manen kadagiti agsapsapul iti trabaho.
Naibalakad kadagiti interesado nga aplikante a mangitugotda iti resume ken padaananda dagiti pakaammo manipud iti provincial government para kadagiti nayun a requirement.
