Siguradoen ti Ilocos Sur Maritime Police Station a nakasagana dagiti kamengda kagiddan ti panagduprak ti Bagyo Obet ken habagat.
Iti pannaki-uman ti Bombo Radyo Vigan ken ni PLt. Dexter Pe Benito, naka-standy amin a kamengda para iti aniaman a posible a deployment.
Segun ken ni Pe Benito, agtultuloy iti panagmonitorda kadagiti coastal areas iti probinsia tapno masigurado a mabantayan ti kinatalged dagiti umili.
Kagiddan ti epekto ti saan a nasayaat a panniempo ket balballaaganda dagiti mangngalap a liklikan pay laeng iti agturong iti kabaybayan a mapan agkalap gapu iti kinapeggad iti sitwasyon iti kabaybayan.
Makikamkammayetda met kadagiti Barangay Official, Municipal Agriculture Office ken kadagiti lokal a gobierno para iti panangpalagip kadagiti umili iti kanayon a panagannad nangruna ita a masansan iti panagtudona.
