VIGAN CITY – Karaman ti Ilocos Sur iti pilot implementation ti Alert Level System a posible nga isunto ti adaptaren ti probinsia.
Segun ken ni Gov. Ryan Singson, saanton a masurot ti ECQ, MECQ, GCQ, ken MGCQ ta agbalinton a kas idiay National Capital Region a maisakup iti Alert Level 1,2,3,4 ken 5.
Dua a factor ti maikonsidera iti pannakaipatungpal ti Alert Level a pakairamanan ti transmission rate – no nababa ti kaso, mailukat ti probinsia ken ti hospital utilization rate ngem depende pay iti vaccination status – no kayat a bumaba ti kaso, masapul nga agpabakuna.
Nupay kasta, manarimaan ti panagtataripnong dagiti maseknan inaig ti nasao nga addang ken kiniddaw ti gobernador ti kooperasyon dagiti umili tapno mapagtalinaed ti bumabbaban a kaso ditoy probinsia.
