--Ads--
VIGAN CITY – Nagpalagip ti Ilocos Sur Highway Patrol group kadagiti amin a motorista kagiddan iti panangrambak iti Road Safety Month.
Iti pannaki-uman ti Bombo Radyo Vigan ken ni Police Major Jordan Sambo, masapul a mentenaren ti taray dagiti lugan, sumurot iti maximum a taray uray no nawatiwat ti kalsada.
Innayonna a liklikan dagiti motorsiklo ti sumingit ken bantayan ti panagovertake nga isu ti maysa a rason ti aksidente.
Inyunay-unayna ti kinapateg dagiti side mirror ken masapol a panunoten ken ipateg ti biag tapno agtalinaned a natalged iti panagbiahe.
-- ADVERTISEMENT --
Kabayatanna, nagballaag ni Sambo kadagiti agtraytraysikel ken kadagiti e-bike a sumurot iti linteg ken liklikan ti agpataray iti main highway.
