--Ads--
VIGAN CITY – Manarimaanen ti intensive training dagiti atlea ti Ilocos Sur a makipaset iti Region 1 Athletic Association kadagiti nadumaduma a training venues.
Ti R1AA ket maangay idiay Ilocos Norte inton April 19-27.
Iti pannaki-uman ti Bombo Radyo Vigan ken ni Joel Peralta, Division Sports Chief iti DepEd Division Ilocos Sur, kada agsapa ken iti malem ti panagsanay dagiti atleta tapno saanda a maapektaran iti kabara ti tiempo.
Abril 19 ket isu ti aldaw a panagsangpet dagiti delegado; Abril 20 ket ti photoshoot dagiti makisali iti Mr & Ms R1AA; ken Abril 21 ti panang-welcome dagiti billeting school kadagiti delegado.
-- ADVERTISEMENT --
Abril 22 ket isu ti opening program; Abril 22-27 ket isunto ti game proper; ken closing ceremony to met ti maudi nga aldaw.
