Pinasingkedan ti Metro Manila Development Authority nga umuna iti listaan dagiti panaglabsing ti linteg trapiko idiay Metro Manila idi 2025 ti illegal vehicle turning.
Maibasar ti listaan ti Traffic Ticket Management Division, simmaruno iti listaan ti unattended illegal parking, panaglabsing ti traffic signs, number coding violation, ken attended illegal parking.
Pinalagipan ti MMDA dagiti motorista nga agbalin a disiplinado ken rumbeng a sumurot iti linteg trapiko.
Segun ti MMDA, ipatpatungpalda ti Road Safety Action Plan tapno makissayan ti aksidente iti kalsada, nakabasar iti road safety management, safer roads, safer vehicles, safer road users ken post-crash response.
Immunan a nagkari ni MMDA General Manager Nicolas Torre III a kissayan ti response time iti aksidente iti kalsada iti uneg iti lima a minutos, ken sangapulo agingga sangapulo ket lima a minutos para ti clearing iti kalsada.
