VIGAN CITY– Imbestigaran ti Commission on Elections dagiti tattao a karaman iti listaan dagiti registered voters nga agpapada ti address da ken saan a residential area dagiti nakarehistro a pagnanaedan da.
Segun ken ni Comelec spokesman James Jimenez, nu maimbestigaran dagiti nagan a nakaikabil iti listaan dagiti botante ken mapaneknekan nga isuda ket illegal voters, maikkat da ti listaan ket kalpasan na, makasoan dagiti utek iti pannakaikabil da ti listaan.
Kabayatanna, inpakaammo met ni Jimenez a natalinaay iti panagsagana da ti umadanin nga eleksyon iti barangay ken sangguniang kabataan inton Mayo kalpasan a ni mismo Presidente Rodrigo Duterte ti nangibaga a kayata na a matuloy.
Mainaig dayta, nasurok a sangapulo ket walo a milyon a balota ti ipablaak iti ahensya nga isu ti mangsupusop iti pagkurangan iti immunan a naipablaak a 55 milyon a balota para kuma ti local elections idi napalabas a tawen.
