Nagpanawagan ni Senior Deputy Speaker ken Pampanga 3rd District Rep. Aurelio Gonzales Jr. kada dati a Bamban, Tarlac Mayor Alice Guo ken Katherine Cassandra Li Ong a makikammayet iti illegal nga operasyon iti POGO Hubs idiay Bamban Tarlac ken Porac, Pampanga nga ibaga ti pudno ken ibutaktak amin nga ammoda iti ilegal nga operasyon ti Philippine Offshore Gaming Operators para iti pagsayaatan iti pagilian.
Segun ken ni Gonzales, impaganetget da Guo ken Ong a Pilipinoda ket nu bilang pudno ket nadagsen iti dusa da.
Sumango iti agtutuon a kaso ti dati a Bamban Mayor iniag kadagiti aktibidad iti POGO iti ilina.
Ni Guo ket nakemmeg idiay Indonesia nga isu ti naglemmenganna ken naisubli iti Manila idi Biernes.
Manamnama a sumango iti Senado ni Guo inton sumruno a lawas tapno sungbatan dagiti alegasyon inaig ti POGO Hub idiay Bamban.
