Madanagan ti Department of Environment and Natural Resources (DENR) iti possible a panagserrek dagiti Chinese kadagiti illegal mining operation iti pagilian.
Segun ken ni Environment Sec. Antonia Yulo-Loyzaga, makitinnulong ti DENR iti dadduma nga ahensya iti gobierno tapno imbestigaran ti umad-adu a presensya dagiti gangannaet nga agtrabtrabaho kadagiti illegal mining.
Kinunana a pammaneknek dagiti nakemmeg a foreign workers iti illegal mining operations iti border iti Cagayan de Oro ken Iligan idi napan a tawen.
Uray dagiti sangapulo ket maysa a Chinese workers a nakemmeg gapu ti mapapati nga illegal mining plant idiay Paracale, Camarines Norte idi laeng kallabes.
Impaganetget ni Loyzaga a maikaniwas ti linteg ti kaadda dagiti foreigner iti mining operation malaksid laeng nu specific highly-technical position.
