Dagus a nangipila ni AGRI Party-list Representative Wilbert Lee iti resolusion para iti Kamara a mangimbestigar iti pannakairaman dagiti healthcare workers iti panaglako kadagiti human organs.
Iti House Resolution 180, maimbestigaran ti illegal a panaglako iti kidney ken dadduma pay nga internal organs.
Segun ken ni Lee, nalawag a panaglabsing daytoy iti “Organ Donation Act of 1991” ken ti “Expanded Anti-Trafficking in Persons Act of 2012”.
Dagiti nasao a modus operandi ket gundawayanda dagiti nakurapay, nangruna dagiti agkasapulan iti kuarta.
Ngem ti ad-adda a makapadanag ket dagiti mismo a doktor ken nurse ket adda pakainaiganna ti nasao nga issue.
Maipalagip nga idi July 17 ket adda tallo a tattao a kinemmeg ti NBI iti San Jose del Monte Bulacan a karaman iti organ trafficking syndicate, ken iti itudtudodana a lider ti nasao nga illegal organ trade ket ti maysa a nurse ti National Kidney Transplant Institute.
