VIGAN CITY – Mapapati a depression iti rason ti nagbekkelan ti maysa a baker idiay Poblacion, Sta. Maria, Ilocos Sur.
Segun ken ni PLt. Sonny Cabbat, DCOP iti Sta. Maria Municipal Police Station, ti biktima ket nabigbig a ni Efren Gamilla, agtawen ti limapulo ket dua, naasawaan, tubo idiay Sabang Pinamalayan, Oriental Mindoro ngem agdama nga agnanaed idiay Poblacion, Sta. Maria, Ilocos Sur.
Naamwan iti inisyal nga imbestigasyon a dua a tawenen a saan a nakaawid ti biktima isu a napalaus iti iliwnan ti pamiliana.
Alas dyes iti agsapa idi binilin ti amoda ni Rodel Caringal, agtawen iti duapulo ket uppat, kaubraan ken kakaseraan ti biktima a mapanna sunduen iti pagdagdagusanda a balay ti biktima.
Idi nakadanun ni Caringal iti kaserada ket ket naka-lock ti ridaw isu a pwinersana a linuktan ket idi adda pay laeng iti agdan, nakitana ti biktima iti maikadua a kadsaaran ti pagkaskaseraanda a nakabitin babaen iti barut ken tali a naiputipot iti tengngedna.
Naipaagas iti ospital ti biktima ngem naideklarar a dead on arrival.Naipan idiay Ilocos Sur District Hospital Narvacan ti biktima ngem naideklarar a dead on arrival.
