--Ads--
Maysa a senior citizen nga iligal nga agpatpataya iti STL ti nakemmeg babaen iti naiwayat nga Anti-Illegal Gambling Operation idiay Barangay Remedios, Cervantes, Ilocos Sur.
Ti suspek ket agtawen iti innem a pulo ket tallo, agnaed iti nasao a lugar.
Agpatpataya ti STL ti suspek uray no saan nga authorized STL collector ken saanna nga iremremit ti makolektana iti STL management.
Nakumpiskar manipud kenkuana ti P500 a pusta, maysa a 1 betting pads a naglaon iti numero ken papel.
-- ADVERTISEMENT --
Sangwen ti suspek ti kaso a panaglabsing iti Presidential Decree 1602 a naamyendaran babaen iti RA 9287.
