VIGAN CITY – PHP9,110 ti gatad dagiti nadumaduma a klase ti paputok ti nakumpiskar iti Sta. Cruz Public Market, Poblacion Este, Sta. Cruz manipud ken ni Lorna Binigay ken ni Felix Ridulfa, agpada nga agnaed iti nasao a lugar.
Dagiti nakumpiskar ket pakairamanan ti lima a piraso ti five star, innem a bundles ti Ramon Candle, sangapulo ket innem a bundle iti Mabuhay Candle.
Iti pannaki-uman ti Bombo Radyo Vigan ken ni Police Captain May Ann Mason, natakuatan babaen iti panaginspeksyonda iti nasao nga ili a dagiti nasao a paputok ket unlabeled isu a kinumpiskarda.
Innayonna nga iti ili a Sta. Cruz pay laeng ti nakakumpiskaranda iti iligal a paputok ta kadagiti dadduma ket awan met ti parikut gapu ta adda seminarda sakbay a nakaalada iti permit ken immunan a naipalagip kadakuada nga adda dagiti maiparit a paputok.
Nupay kasta, dagiti paputok ket nakaipaiman iti Sta. Cruz Police Station para ti proper disposition.
