VIGAN CITY – Naisayangkat iti National Validation iti Seal of Good Local Governance ket maysa iti ili ti Santa iti napili a makaawatto iti nasao a pammadayaw.
Iti pannaki-uman ti Bombo Radyo Vigan ken ni Santa Mayor Jesus Popoy Bueno, maikaliman a naawatda ti SGLG wenno ti outstanding municipality maipanggep ti implementasyon ti nasayaat a maipapatungpal iti lokal a gobierno.
Segun ken ni Mayor Bueno, insayangkaten ti gobierno national ti validation inaig ti SGLG ket nakapasa iti ili ti Santa iti assessment ket nakablaawan payen isuda ngem kasla pay a simrek kenkuana agingga awan pay ti plaque.
Innayonna a ti pagsayaatan ti SGLG ket agkikinnamayet ti Local Disaster Risk Reduction and Management, Department of Social Welfare and Development, Rural Health Unit ken Philippine National Police.
