VIGAN CITY – Nakasaganan ti St. Joseph, the Husband of Mary Parish iti ili ti Nagbukel ti panangrambak ti Christ the King inton Nobyembre 20, 2022.
Iti pannakipapatang ti Bombo Radyo Vigan ken ni Rev. Fr. Gerry Somera a parish priest, pakaragsakanna ta marambakan iti parokiada wenno iti ili ti Nagbukel iti Kristo Ari ta nabayagdan nga inur-uray ta naisanud gapu ti pandemia.
Segun ken ni Rev. Somera, limmukay ti restrictions ti covid-19 isu a kalikagumna nga awan iti ma-infect kasangwanan ti adu a dumar-ay iti panagrambak.
Inlawlawagna iti kinapateg ti Kristo Ari a panangiduyakyak kenni Kristo nga Ari ken panangipalagip ti panangawag ti Apo a makipaset iti nasantoan a biag.
Idi pay laeng 2020 a na-assign iti simbaan ti San Jose nga ag-host iti rambak Kristo Ari ngem naisanud gapu ti covid-19 pandemic.
Maisayangkat iti nakonsagraran a misa iti oras iti alas dos iti malem inton Nobyembre 20.
VC – REV. FR. GERRY SOMERA
Impasigurado met ni Nagbukel Mayor Timoteo Cabrera a suportaranda iti parokia ni San Jose, Asawa ni Maria para iti panagrambak iti Kristo Ari iti nasao nga ili ta kayatda nga agballigi iti panagrambak isu a tulonganda iti parokia iti aniaman a wagas.
Pakaragsakan ni Mayor Cabrera iti pannakitinnulong dagiti agindeg ta makitada iti ili ti kalikagum a tumulong iti amin.
Nupay kasta, gapu iti nailet a venue ket nayatiddog iti masakupan ti pakaisayangkatan ti misa inton Nobyembre 20 ta adda iti paset ti kalsada iti nalinongan tapno adadu iti makaatendar iti misa konselebrada.
Maipalagip nga idi pay laeng 1990 nga immunan a nag-host iti ili ti Nagbukel iti Kristo Ari ket uray naisanud idi 2020 gapu ti covid-19 pandemic ket pakaragsakan ti mayor iti pannakatuloynan ita a tawen.
VC – NAGBUKEL MAYOR TIMOTEO CABRERA
