VIGAN CITY – Mangrugi iti July30 agingga August 13 ket maisakup iti Modified Enhanced Community Quarantine ti ili a Caoayan tapno malapdan ti panagpangato ti kaso ti Covid19.
July 28 ket adda sangapulo ket tallo a baro a kaso a nairekord ti nasao nga ili numan pay nainget dagiti pagannurotan a naipatungpal.
Nupay kasta, masapul a dagiti bumarangay a rumuar iti ili ket agiparang iti Quarantine pass kadagiti exit and entry points idinto a dagiti mangmangged ket iparangda ti Company ID wenno Certificate of Employment no mapanda agtrabaho.
Para ti nalaklaka a contact tracing kadagiti sumrek ken rumuar iti ili ket masapul nga adda StaySafe.ph contact tracing application iti Callaguip ken Beddeng checkpoints.
Malaksid ti dayta, malimitaran ti garaw dagiti umili ta dagiti laeng adda napateg a gagarana ti mapalubosan a rumuar ken sumrek.
Kasapulan met ti ID ken Quarantine pass kadagiti tattao a residente ti sabali nga ili ken masurot ti alas dyes iti rabii agingga alas singko iti agsapa a curfew.