VIGAN CITY – Naisakup iti Modified Enhanced Community Quarantine ti ili a Cabugao manipud idi kalman, August 21 agingga inton September 3 gapu ti umad-adu a kaso ti Covid19 ta iti agdama ket walopulo ket maysa ti positibo a kaso iti nasao nga ili.
Gapu ti dayta, nainget a maipatungpal ti panangsurot iti minimum public health standards; maiparit ti mass gathering; malimitaran iti tallopulo a porsiento ti kapasidad kadagiti pagubraan iti public ken private sector ken maysa laeng ti lumugan iti traysikel a pasahero.
Dagiti returning resident ket malimitaran laeng kadagiti adda iti personal concerns-na ket kasapulan ti husto a koordinasyon, compulsory triage ken panagparehistro iti Municipal Health Unit no sumangpetda.
Kabayatanna, dagiti met authorized person outside residence ket maawatda laeng no adda dagiti papelesda kas ti Health Certificatem Travel Order, ken Antigen test.
Ti curfew ket mangrugi iti alas otso iti rabii agingga alas singko iti agsapa idinto a maiparit ti aginom iti arak kadagiti pampubliko a lugar.
