VIGAN CITY – Maidalan iti Modified Enhanced Community Quarantine iti ili ti Cabugao ta nagsasaruno ti kaso ti Covid19 gapu iti local transmission manipud ita nga aldaw, January 8 agingga 22.
Nupay kasta, naing-inget a pagannurotan a maipakat kadagiti residente kas ti rumbeng a panagaramat iti facemask ken malimitaran iti tignay dagiti umili ta dagiti vulnerable sector ket saan a mapalubosan a rumuar ken maisardeng pay laeng ti pampubliko a transportasyon malaksid laeng ti traysikel nga agoperate para kadagiti essential travel ngem maysa a pasahero laeng ti lumugan.
Dagiti negosyo ket agingga sangapulo ket dua nga oras laeng ti operasyonda, saan a malapdan dagiti essential cargoes ken adda checkpoint a maiwayat.
Malaksid ti dayta, adda ti quarantine pass slip a libre a maiwaras kadagiti tattao nga isu ti iparangda no adda napateg a papananda ken masurot ti alas otso iti rabii agingga alas singko iti bigat a curfew.
