VIGAN CITY – Mangrugi iti June 13 agingga inton July 27 ket maisakup ti ili a Bantay iti Modified Enhanced Community Quarantine.
Gapu ti dayta, masapul ti nainget a home quarantine kadagiti amin a pagtaengan ken dagiti laeng adda napateg a gagarana ti mapalubosan a rumuar.
Maipakat ti checkpoints iti national highway ken mapalubosan ti operasyon dagiti negosyo, establisimiento ken dagiti nadumaduma nga aktibidad.
Maiparit ti gathering outside residences, gathering of residences ken sangapulo a porsiento laeng ti venue capacity para ti religious gathering idinto a dagiti natayan ket malimitaran laeng kadagiti miembro ti pamilia.
Maipalubos laeng met ti panagkalubbon para kadagiti agtrabtrabaho wenno APORs nga agkakabbalay kasta payen a maysa laeng a pasahero ti lumugan iti traysikel.
Adda ti quarantine pass nga ited dagiti barangay official tapno makontrol ti tignay dagiti residente.
Kabayatanna, alas dies iti rabii agingga alas singko iti bigat ti curfew.
