--Ads--
Inlawlawag ti Commission for Infrastructure nga awan ti ikonkonsiderarda a resource person kas state witness uray no adda sumagmamano a karaman iti maanomalya a flood control projects ti simmangon iti hearing ti komision.
Segun ken ni ICI Executive Director Atty. Brian Hosaka, sakup iti mandatoda ti panangisingasing iti state witness, ngem nasapa pay laeng ta karugrugi pay laeng ti imbestigasion.
Kasapulan pay nga adalen ti komision dagiti ebidensia ken testimonia nangruna ta maysa a pagibasaran tapno agbalin nga state witness ken dagiti tao a ‘not the most guilty’.
No maipanggep met iti panagbalin nga state witness ni dati a House Speaker Martin Romualdez, kinuna ti ICI nga awan ti kasta a planoda.
-- ADVERTISEMENT --
